PAZIN – SV.JAKOV 14:12
SOKOL – SV JAKOV 14:12
Nedjelja. Lijep sunčan dan. Rano popodne. Jadranovo. Negdje na Mulini.
“Kad će taj petak…”
- Bog mali, ča to pivaš?”
- Bog barba Ive. Jedva čekam petak za dvi šetemane kad su opet maškare va domu. Prekčera je bilo čuda ljudi i odlično smo se zabavili. A pjesma gre ovako: “Kad će taj petak, da te opet vidim, vidim ja, ti si ko metak, kojeg strašno volim, volim ja.” Kad sam bil mići svi su to kantali, ma mi ni bilo jasno zač se pjesma zove Metak. Kad sam malo odrasal sam ćapal ča je “metak” i ča ona želi, ha, ha.
- Ah, dobra stara vrimena. Ma va svojih let se već i ne sjećam ča je to.
- Ma dajte barba Ive, ne dajte se. Ja sam siguran da vi to još morete.
- Mulac jedan ti ćeš mene zafrkavat. Nego ča je s boćanjem?
- Boćanjem? Kakovim boćanjem?
- Pa boćanjem….ti boćaš…. SUPERLIGA.
- A to. Čera smo igrali u Splitu i zgubili 14:12.
- Opet ste zgubili 14:12!? Kao i u Pazinu?
- Je barba Ive, jušto kao va Pazinu.
- Znaš ča mali, prijavit ću ja vas na maškarani boćarski turnir, pa morda tamo nekog dobijete.
- Sad vi mene zafrkavate.
- Mali, triba se znat našalit, ali triba znat primit škerac i na svoj račun. Zapamti to.
- Dobro pravite barba Ive.
- Nego mali, znaš što se tiče boćanja tribali vi svi skupa malo jače i više tren…(dring, dring) čuje se zvono mobitela.
- Alo,…..dobro, dooooobro, …….dolazim, dolazim za deset minuti. (prekida vezu). Žena zove, obed je gotov. Mali, znaš gljedal sam ja malo vas na onom, onom vragu jutubeu.
- Mislite youtubu.
- Mali ne zajebavaj. Da, tu. Vi to igrate samo po zraku. Triba boću spustit zdolu, na pod, triba koštat boću. Vi to samo pucate. Tvoj nonić i ja smo igrali samo po podu i samo smo koštali. Ja sam bi malo bolji, ma ni on ni bil loš. Na starom jogu znali smo svaku škulju. Niki nam niš ni mogal. Se smo redom dobijali. A ča smo tamo gemišti popili.
- Barba Ive žena vas čeka za obed.
- Ja, skoro sam pozabil. Mali bog i zapamti ča sam ti rekal.
- Ću barba Ive, ala bog.
(Svako odlazi na svoju stranu sa svojim mislima)
“Trening, …. hm, mogal bi ovu šetemanu ki put poć…….ma poć ću na svaki trening.”
” Kad će taj petak, ti si ko metak”, ma jebemti, mulac me zarazil tom pjesmom. E da mi je bar deset let manje. Ma ki zna morda bi ja još ča mogal.
(Ulazi u kuću i viče s vrata)
- Mare, Mare ča misliš večeras kad legnemo va postilju da se ja malo popačam vate.
- Mrcino stara, potpuno si se popantal, va tvojih leti ča je tebi na pameti.-
- #$@&¥¢%*$@& (beštima),
- E mali moj da ti moreš koštat ko ča sam ja mogal, a da ja morem pucat ko ča ti moreš.
Valjda će i ove sakramenske maškare finit.
A.G.